Крест («Крест пречестный церкве слава…»)

Крест пречестный церкве слава,

На нем умре наша глава

Христос Господь, всех спаситель,

Кровию си искупитель.

Хотяй дело

си весело

Совершити,

должен быти

Креста чтитель

и любитель.

И от него все дела начинати‎в распятом на нем вину уповати.

Он бо обыче тех благословити,‎и же крест на ся тщася возложити.

В началех дел си и конец дарует,‎какова в делех кто благотребует.

Крест на демона мечь от бога даны‎и на вся, и же гонят христианы.

Сим враг Голиафд адский посечеся,‎и жало смерти грех в конец сотреся.

Сей царем верным

в бранех помогает,

Нечестивыя

враги истребляет.

Он православным

есть защищение,

гонителем же

в водах топление.

Его зде знамя

впереде полагало,

его те силы,

царю наш, желаю.

Да та тя вславит, яко Константина,

чтителя суща приснодевы сына.

Да будет ти крест, яко столп огненный

в нощи, а во дни — облак божественный.

Щит твоим людем,

страх же враждующым,

на христианы

со мечем идущым.

Сим Христос враги

своя победил есть,

да христианы

от варвар спасеши,

сам в силе его

много лет живеши.

Источник: «Futurum-art.ru»

Похожие статьи:

Симеон Полоцкий → Воздержание («Воздержание аще безмерно храниши…»)

Симеон Полоцкий → Врази три («Кийждо человек врага си имеет…»)

Симеон Полоцкий → Гонение («Кремень, аще железом ударен бывает…»)

Симеон Полоцкий → Купецтво («Чин купецкий без греха едва может быти…»)

Симеон Полоцкий → Псалом 3 («Господи, всякую себе зело умножают…»)